Լազերային փորագրում

Հետևելով նոր տեխնոլոգիաների ընձեռած  յուրահատուկ հնարավորություններին՝ առաջարկում  ենք լազերային փորագրում փայտե, ապակյա, օրգանական ապակյա, մետաղե, կաշվե և թղթե մակերեսների վրա:

Լազերային փորագրումը հնարավորություն է տալիս  վերը նշված մակերեսների վրա արտացոլել յուրաքանչյուր պատկեր: Ցանակացած մասշտաբով կարող են փորագրվել տարբերանշաններ, բարեմաղթաքներ, տարաբնույթ տեքստեր եւ պատկերներ:

Ապակյա մակերեսների վրա լազերային փորագրումը   Ձեզ հնարավորություն է տալիս սիրելի մարդուն նվիրել այնպիսի  օրիգինալ նվերներ, ինչպիսիք են կոնյակի անվանական  շշերը,  նրբաոճ բաժակները  ու այլ  հիշարժան իրեր, որոնց վրա փորագրված անուններն  ու բարեմաղթանքները չեն մոռացվի: Մենք կօգնենք նվերը դարձնել անմոռանալի:

Պակաս յուրօրինակ չեն լինի նաեւ փորագրված և գունավորված փայտե զարդամանները, տակառիկները, գրչամաննները և փայտե այլ իրերը: Եթե դարեր առաջ մարդիկ փայտի վրա ձեռքով էին փորագրում, ապա այսօր  փայտե մակերեսների վրա լազերային փորագրումը   թույլ է տալիս դա անել հեշտությամբ և ամենայն ճշգրտությամբ:

Նույնպիսի ճշգրտությամբ օրգանական ապակուց պատրաստված ֆիրմային հուշանվերների, գործընկերներին եւ հաճախորդներին պարգեւած նվերների վրա փորագրվում են   տարբերանշաններ, որոնք դառնում են Ձեր ընկերության յուրօրինակ գովազդն ու վկայում գործարար աշխարհում ունեցած ձեռքբերումների  մասին: Այդ նպատակին են ծառայում նաեւ օրգանական ապակուց պատրաստված և փորագրված տեղեկատու վահանակներն ու գովազդային ցուցանակները: Օրգանական ապակուց պատրաստված ցանկացած իրի վրա փորագրումը այն դարձնում է անկրկնելի:

Մեր օրերում բավական պահաջված ծառայություն է լազերային փորագրումը մետաղե մակերեսների վրա:   Եվ քանի որ մետաղների առաջնային հատականիշներից է երկարակեցությունը, այդ իսկ պատճառով մետաղե մակերեսների վրա փորագրված պատկերներն ու տեքստերը, նույնպես, արժանանում են այդ ճակատագրին: Սա նշանակում է, որ մետաղյա իրերը՝ ցուցանակները, գրիչները,  այցեքարտերը և այլն,  որոնց վրա կատարվում  է փորագրությունը, կպահպանվեն և կօգտագործվեն երկար ժամանակ:

Լազերային փորագրումը  հինալի հնարավորություն է տալիս նաև կաշվե իրերի սիրահարներին: Շնորհիվ փորագրված զարդանախշերի, տարբեր պատկերների և տարաբնույթ գրությունների կաշվե պայուսակները, գոտիները, ճամպրուկները, ժամացույցները, թևնոցներն ու կաշվե այլ իրեր կդառնան  յուրահատուկ և չկրկնվող: Լազերային փորագրում մեծ գեղագիտություն է հաղորդում կաշվին:

Մենք  վերը նշված մակերեսների վրա փորագրումը կատարում ենք  մինչև 1000dpi  խտությամբ՝ հաշված րոպեների ընթացքում: